Monday, October 23, 2017
Home Blog

घर किन्दा श्रीमती सित्तैमा 

0

एजेन्सी। विभिन्न मालवस्तु बेच्नका लागि बिक्रेताहरुले अनेक खाले अफर ल्याएको त तपाई हामीले सुन्दै र देख्दै आएका हौँ । तर घर किन्दा श्रीमती सित्तैमा पाईने आश्चार्यजनक अफर भने सुनेका छैनौ । यस्तै आश्चार्यजनक अफल सार्वजनिक भएको छ इण्डोनेसिया।

इण्डोनेसियामा घर किन्दा श्रीमती सित्तैमा पाइने एउटा विज्ञापनले अहिले ठूलै तहल्का मच्चाएको छ र उक्त विज्ञापन इण्टरनेटमा भाइरल समेत बनेको छ ।

एकजना महिलाले आफ्नो घर बिक्रिका लागि विज्ञापन गरेकी छिन् र आफ्नो घर किन्ने पुरुषहरुले आफुलाई श्रीमतीको रुपमा पाउने घोषणा समेत गरेकी छिन्।

यो अनलाइन विज्ञापनको सुरुवाती हिस्सा सामान्य विज्ञापन जस्तो छ र यसमा घरमा रहेका विशेषता उल्लेख गरिएको छ । तर अन्त्यतिर भने दुर्लभ अफर प्रस्तुत गरिएको छ । जसमा भनिएको छ, ‘जसले यो घर किन्नुहुन्छ उसले यो घरकी मालिक्नीसाग बिहेको प्रस्ताव गर्न सक्नुहुन्छ ।’
विज्ञापनमा घर मालिक्नीको तस्वीर समेत दिइएको छ

। विना लिया नामकी ती ४० वर्षे महिला श्रीमानको मृत्युसागै हाल एकल महिलाको रुपमा रहेकी छिन् र उनको आफ्नो सैलुन समेत छ ।

यो घर गम्भीर खालका क्रेताहरुको लागि मात्र रहेको र यसमा कुनै सौदाबाजी नहुने विज्ञापनमा उल्लेख गरिएको छ ।
जाभा द्विपस्थित स्लेम्यानमा रहेको यो घरको मूल्य ९ करोड ९९ लाख इण्डोनेसियन रुपिहा अर्थात् झण्डै ७५ हजार अमेरिकी डलर तोकिएको छ ।

एएफपीका अनुसार घर मालिक्नी विना लियाको यो विज्ञापन इण्डोनेसियाका संचार माध्यममा मात्र होइन सोसल मिडियामा समेत निकै चर्चित बनिरहेको छ ।
कतिपयले उनलाई घोचपेच गरेर खिल्ली उडाइरहेका छन् । यो समाचार प्रकाशित भएपछि यस बारेमा सोध्नका लागि आफ्नो घरमा प्रहरी समेत आएको र मान्छेले दिएका प्रतिक्रिया र पत्रकारका व्यवहारबाट आफु दुखी बनेको उनी बताउाछिन् ।

Facebook Comments

नेपाली कांग्रेसले प्रदेश र प्रतिनिधि सभा निर्वाचनका लागि सबै उम्मेदवारहरुको सूची सार्वजनिक

0

काठमाडौं । नेपाली कांग्रेसले प्रदेश र प्रतिनिधि सभा निर्वाचनका लागि सबै उम्मेदवारहरुको सूची सार्वजनिक गरेको छ ।

कांग्रेसले गोरखा र सिन्धुपाल्चोकका दुई स्थानमा डा. बाबुराम भट्टराई र पशुपति समशेर राणालाई छाडेको छ । यस्तै भोजपुर, रसुवा, सिन्धुपाल्चोक, वैतडी र गोरखाका केही प्रदेशमा समेत नयाँ शक्ति, संघीय समाजवादी फोरम, राप्रपा, र राप्रपा प्रजातान्त्रिकसँग गठवन्धन गरेको छ ।


कांग्रेसले सार्वजनिक गरेको प्रतिनिधि सभा र प्रदेश सभाका उम्मेदवारका सूची यसप्रकार छ-
प्रथम चरणमा निर्वाचन हुने प्रतिनिधि सभातर्फका ३७ सिटमध्ये कांग्रेसले ३५ सिटमा उम्मेदवारी दिएको छ । त्यस्तै प्रदेशसभा तर्फ ७४ सिटमध्ये ६९ सिटमा उम्मेदवारी दिएको छ । प्रतिनिधि सभा र प्रदेश सभामा गरी कांग्रेसका १०४ उम्मेदवार चुनावी मैदानमा उत्रिएका छन् ।

 

स्रोत अनलाइन खबर

Facebook Comments

भाइटीकाको उत्तम साइत बिहान ११ बजेर ५१ मिनेटमा 

0

 

आज तिहारको अन्तिम दिन भाइटीका, दाजुभाइ तथा दिदीबहिनीहरुले एकअर्कालाई टीका लगाइदिएर मनाउँदैछन् । भाइटीकाको उत्तम साइत बिहान ११ बजेर ५१ मिनेटमा रहेको पञ्चांग निर्णायक समितिले जनाएको छ ।

 

टीका लगाइदिएपछि दाजुभाइ दिदीबहिनीहरुले एकअर्कालाई आशिर्वादसहित उपहार दिने प्रचलन छ । भाइटीकाको समय दाजुभाइ पश्चिम फर्केर बस्न र दिदीबहिनीले पूर्व फर्केर टीका लगाइदिन राम्रो हुन्छ ।  आज पश्चिममा चन्द्रमा भएकाले लगाइमाग्ने दाजुभाइ पश्चिम फर्कंदा सम्मुख हुन्छ ।

Facebook Comments

आफ्नो बिचार  पोखे धीरेन्द्र बहादुर चन्द ले

0

धिरेन्द्र बहादुर चन्द युवा प्राणीशास्त्री एम.एस्सी.कन्जरभेसन बायलोजी


नेपाल क्षेत्रफलका हिसाबले सानो भएतापनि जैविक विविधतामा भने धनी देश मानिन्छ । विश्व समुदायमा नेपाललाई सगरमाथाको देश, बुद्धको देश, सामुदायिक बनको देश, मठमन्दिर भएको देश भनेर चिनिदै आएको अवस्था सबैलाई सर्वबितितै छ । अहिलेको परिबेशलाई हेर्ने हो भने पृथ्वीमा अनैको प्राणीहरुको वासस्थानको रुपमा रहेको छ । सृजित जिबित प्राणी र बनस्पतीहरुले प्रत्यक्ष रुपमा विभिन्न सामाग्रीहरु र सेवा (खाद्यान्न,औषधी,कच्चा पदार्थ) र अप्रत्यक्ष रुपमा बैज्ञानिक अध्ययन आध्यात्मिक र मनोबैज्ञानिक अध्ययन गर्न र वातावरण सन्तुलन कायम गर्न महत्वपुर्ण योगदान पु¥याइरहेका हुन्छन् । सबै किसमका प्रजातीहरुले वातावरण सन्तुलन लगायत मानव तथा अन्य जिवित बस्तुको अस्तित्वका लागी समेत योगदान पु¥याइरहेका छन् ।

नेपाली समुदायमा बाँदर भन्ने शब्द कुनै नौलो शब्द होइन । बाँदर नदेखेका मानिसहरु कमै भेटिन्छन् । प्राय न्यानो हावापानी मन पराउने बाँदरहरु नेपालमा भने तराईका जंगल देखी हिमालका काख सम्म कुनै न कुनै प्रजातीका बाँदर भेटिन्छन् । बाँदर मानिसको सबैभन्दा नजिकको प्राणी मानिन्छ । बिश्वभरि पुच्छर भएका र नभएका गरी ५६ जातीका बाँदरहरु करिब २३४ भन्दा बढी उपजातीमा बिभाजन गरेको पाइन्छ । नेपालको सन्दर्भमा मुख्यगरी ३ जातका बाँदर पाइन्छन् । ३ जातका बाँदरहरुमा सजिलै र जताततै पाईने रातो बाँदर, जंगलहरुमा पाईने लङ्गुर बाँदर र पहाडी क्षेत्रका जंगल र पहरोमा(भिरतिर) पाईने पहरे बाँदर अथवा आसामी बाँदर पनि भनिन्छ । नेपालको ठाँउ अनुसार पहरे बाँदरलाई कालगाँडा, ध्वासे बाँदर, मिसल बाँदर आदी स्थानिय नामहरुले समेत चिनिन्छ । यो बाँदर सख्यात्मक हिसाबले कम भएकोले राष्ट्रिय निकुञ्ज निमावलिमा यसलाई संरक्षित बाँदर भनेर राखिएको छ भने साइटिस सुचीमा दोस्रो श्रेणीमा पर्दछ ।

पछिल्लो अवस्थामा बैज्ञानिक अनुसन्धानको विभिन्न क्षेत्रहरुमा सामाजिक संरचना, खाध्यपदार्थको खोजीका साथै औषधी बिज्ञानका लागी बाँदरहरुलाई प्रभाबकारी रुपले प्रयोग गरिरहेका छन् । बाँदर मानिसको सम्बन्ध परापुर्वकालदेखी रहि आएको छ । थुप्रै नेपाली टुक्का, कथामा बाँदरलाई प्रभावकारी रुपले प्रयोग भएको पाइन्छ । अर्कोतिर मानिसका पुर्खाबाँदर भनेर भन्ने चलन नेपाली गाउँघर देखी शहर सम्म जिबन्त प्रबृती रहि आएको छ । यो नेपाली समुदायका लागी एक्काईसौ शताब्दीसम्म इच्छा र जिज्ञासाको बिषय रुपमा रहेको छ ।

बिगत ३० बर्ष भन्दा बढी समयदेखी नै आफ्नो ज्ञानसिपलाई राष्ट्रिय तथा अन्तराष्ट्रिय स्तरमा बाढ्न अभ्यस्त प्राणीबिद् डा. मुकेश कुमार चालिसे नेपालकै बाँदर बिशेषज्ञको रुपमा चिरपरिचित छन् । बाँदरको बिषयमा बिद्याबारिधी गर्ने पहिलो नेपाली प्राणीबिद् डा. चालिसेले आफुलाई बाँदरको रुपमा सिमित नराखी नेपालमा नयाँ जनावर समेत पत्ता लगाएका छन् । प्राणीबिद् डा. चालिसे भन्छन् “मानब जिबनमा बाँदरहरु गासिनुको प्रमुख कारण उनीहरुको चाखलाग्दो हाम्रो जस्तै स्वभाव भएर नै हो” मानिसका बालबच्चा, केटाकेटी तथा विभिन्न उमेर समुहका जस्तो व्यवहार गर्दछन् । अध्ययन गरे बाँदरहरु पनि त्यस्तै नक्कल गरिरहेका पाईन्छन् । वातावरण सन्तुलन र जंगलको विविधीकरण गर्न बाँदरको ठुलो योगदान रहेको छ ।

नेपाली समाजमा बाँदरहरुलाई मनोरञ्जन तथा कौतुहलका जिबका रुपमा लिने चलन छ । तर बाँदरहरुबाट साबधानी गर्नु पनि आवश्यक छ । प्राय बाँदर मानिसहरुमा उस्तै प्रकारका रोगहरु लाग्दछन् । स्वासप्रश्वासका रोग, दम, टि.बी., झाडापखाला, पोलियो, क्यान्सर, ट्युमर आदि रोगहरु बाँदरहरुमा हुन्छन् । यस्ता रोगहरु बाँदरहरुले मानिसहरुमा सजिलैसंग सार्ने गर्दछन् । तसर्थ बाँदरहरुबाट सुरक्षित हुनु नै बुद्धिमानी हुन्छ । पछिल्लो अवस्थामा राजधानी काठमाडौका विभिन्न मठमन्दिरहरुमा बाँदरहरु सजिलै देख्न सकिन्छ । मानिसहरुले कृत्रिम खानाको रुपमा मकै, धान लगायत अन्य खानेकुराहरु दिने चलनले बाँदरहरु प्राकृतिक भन्दा कृत्रिम खानामा आश्रित बनाएको छ । फलस्वरुप कृत्रिम खानाले गर्दा बाँदरहरुमा विभिन्न किसिमका रोगहरुले ग्रसित बनाएको छ । तसर्थ यस्ता ठाउँमा सचेत हुन आवश्यक छ ।

बाँदरको पृष्ठभुमीलाई सरसर्ती हेर्दा आजभन्दा ३०–४० लाख पुर्व पृथ्वीमा उत्पती भएको अनुमान छ बाँदरको उत्पति भन्दा पछाडि मानिसको बिकास भएको पाइन्छ । तर मानिसको पुर्खा बाँदर चाही होइन । मानिस र बाँदरको पुस्ता उस्तै हुन सक्छ । पछिल्लो अवस्थामा बेलायतमा भएको अनुसन्धानले बाँदरको पुर्खा सानो र मानिसको पुर्खा चिम्पान्जी र गुरिल्ला जस्तै जुन चारवटै खुट्टाले हिडडुल गर्न सक्थे र पछिल्लो अवस्थामा आएर शारिरीक बनावट र दुई खुट्टाले हिडडुल गर्न सक्ने, मस्तिष्कको क्षमता पनि सबैभन्दा बढी भएकाले मानिसले बिभिन्न किसिमका प्रबिधी र भाषा समेत प्रयोग गर्न सक्षम भएका छन् । जुन मस्तिष्कको क्षमता कम र स्वरग्रन्थी बाँदरमा नहुने भएकोले बाँदरले पनि सामान्य किसिमका क्रियाकलापहरु गर्न सक्ने डा. चालिसे बिश्लेषण गर्छन् ।

औषधी उत्पादन र मानब जगतको भलाईका लागी परिक्षण अति आवश्यक बाँदर प्रजातीको सदुपयोग नेपालमा पनि सुरु गर्न ढिला भयो । सम्बन्धित निकायले जिम्मेवारी पुर्ण हिसाबले नियम कानुन बनाई जनतालाई प्रोत्साहन गर्न आजको आवश्यकता हो । नेपालका बाँदर बिशिष्ट परिस्थितीमा उत्पति भएको र पृथक प्रजाती हुन सक्ने डा. चालिसे तथा प्राध्यापक लक्ष्मण खनालबाट अनुसन्धान भईरहेको छ । त्यसको नतिजा आएपछि नेपाल बाँदर प्रजातीको लागी अझै प्रख्यात हुनेकुरामा दुईमत छैन । किन की सन् २००२ मा डा. चालिसेले पहरे बाँदर आफ्नै खालको छ भनि पुष्ठि गरेका छन् । डा. चालिसेको विविध अनुसन्धानमा उहाँको प्रेरणाबाट नेपालको सुदुर र मध्य ईलाकामा अनुसन्धान गरी पहरे, लङ्गुर तराई देखी अपी हिमालको घाचसम्म उहाँ सगसगै यस लेखले पनि देखेको र अनुसन्धान गरेको छ ।

(लेखक बायलोजी बिषयको प्राध्यापकको रुपमा कार्यरत छन्) हाम्रो सुदूर अनलाइन लाई  बताउनु भो 

Facebook Comments

​आयो वीर बहादुर खत्री को सिङ्गारु….

0

रबिन्द्र यादव 

  

            प्रदेशी भुमिमा रहेर पनि आफ्नु कला सस्कृतिको जगेर्ना गर्नु पर्छ भन्ने महान बिचार र प्रतिभावान गीतकार तथा संकलक वीर बहादुर खत्री को जन्म भेरी गङगा नगरपालिका ८ लामितडा छिन्छु सुर्खेत मा जन्मिनु भयको हो।

      वीर बहादुर आफ्नु मौलिकता र यथार्थता लाई गीत मार्फत पोख्ने गर्नु हुन्छ , आफुले झेलेका दुख पिडा, यथार्थ काहानी बोकेका गीत हरुलाइ नै अगाडि ल्याउनु हुन्छ । अहिले पनि यस्तै आफ्नु  रुकुम रोल्पा अनि त्यो सिस्ने हिमाल लगायत धेरै ठाउँ समेटेर   सबैको माझमा सिङ्गारु गीत सम्मान म्युजिक प्रा लि काठमाडौ बाट ल्याउदै हुनुहुन्छ ।

      अहिले सम्म उहाले प्रदेशिको पीडा, अफगानिस्तान को घटना , चन्द्र सुर्य, आमा सम्झी रुन्छु अरबको खाडिमा, पिडा चोट लागायत दर्जनौ गीत हरु बजारमा ल्याइसक्नु भयको छ।

      सिङगारु…. यस्मा लय/  सब्द वीर बहादुर कै छ भने सुमधुर स्वर  चर्चित गायक ऋषि अधिकारी र शेर बहादुर आचार्य गाइने को रहेको छ। भने छिट्टै भिडियो को तयारी पनि भैरहेको छ।

      यश गीत्को अडियो भिडियो सम्मान म्युजिक प्रा लि बाट अब छिट्टै नै बजारमा आउने तयारिमा छ।

Facebook Comments

बैतडीबाट प्रतिनिधि सभाको लागि एमालेबाट पूर्व अर्थ राज्यमन्त्री दामोदर भण्डारी लाई टिकट 

0

काठमाडौँ– बैतडीबाट प्रतिनिधि सभाको लागि एमालेबाट पूर्व अर्थ राज्यमन्त्री दामोदर भण्डारीले टिकट पाएका छन् ।

पहिलो चरण अन्तर्गत ३२ जिल्लामा आगामी मंसिर १० गते हुने प्रदेश सभा र प्रतिनिधि सभाको निर्वाचनका लागि नेकपा एमालेले उम्मेद्वारको टुङ्को लगाएसंगै बैतडीबाट भण्डारीले पाएका हुन् । संघको लागि एक मात्र निर्वाचन क्षेत्र भएको बैतडीबाट टिकट पाएका भण्डारीले यस अघिको संविधान सभाको निर्वाचनमा पनि बैतडी बाट नै प्रतिनिधित्व गरेका थिए ।

एमाले र माओवादी गठबन्धनपछि ६०/४० को भागबण्डा अनुसार एमालेका तर्फबाट भण्डारीले प्रतिनिधि सभाको लागि टिकट पाएका छन् । प्रदेशका लागि दुई निर्वाचन क्षेत्र भएको बैतडीमा एउटा माओवादी र अर्को एमालेले भाग गर्नेछन् । त्यसका लागि कसलाई उम्मेद्वार बनाउने भन्न बारे सहमति गर्न छलफल चलिरहेको छ ।

Facebook Comments

बाबुरामलाई कांग्रेसले पनि पत्याएन !

0

By Bishal

कार्तिक ३,काठमाण्डौ । नेपाली कांग्रेसले गोरखा निर्वाचन क्षेत्र नम्बर २ नयाँ शक्ति पार्टीका संयोजक डा. बाबुराम भट्टराईलाई छाडे पार्टीलाई घाटा हुने भन्दै कार्यकर्ताले विरोध गर्न थालेका छन् ।

‘कांग्रेसलाई जरैदेखि फाल्नुपर्छ भनेर वाम गठबन्धनमा लागेका भट्टराईलाई गठबन्धनले गोरखा २ नदिएपछि उनी कांग्रेससँग तालमेल गर्न आएका छन्’, कांग्रेसका एक नेताले भने, ‘भट्टराईका कार्यकर्ताले अर्को क्षेत्रमा कांग्रेस उम्मेदवारलाई भोट हालेर जिताउँछन् भन्ने ग्यारेन्टी के ?

जिल्ला तहका नेता कार्यकर्ता र गोरखाबाट केन्द्रीय तहमा पुगेका नेता पनि गोरखा २ मा भट्टराईलाई छाड्न तयार छैनन् । स्थानीय तह निर्वाचनमा गोरखाका ११ मध्ये ९ तह जितेको कांग्रेस अहिले जिल्लामा पहिलो शक्ति देखिन्छ ।

दोस्रो माओवादी केन्द्र , तेस्रो एमाले र चौथोमा नयाँ शक्ति छ । तर, भट्टराईले चुनावी प्रतिष्पर्धा गर्न लागेको गोरखा २ मा भने नयाँ शक्ति एमालेभन्दा अगाडि छ । नागरिक दैनिकमा खबर छ ।

Facebook Comments

टीकापुर घटनाका आरोपी लक्ष्मण थारु जेलबाटै राजपा प्रवेश…

0

-By Bishal

२ कात्तिक, कैलाली ।।
टीकापुर घटनाको आरोपमा जेल जीवन विताइरहेका लक्ष्मण थारुसहित ३ जना राजपा पार्टीमा प्रवेश गरेका छन् ।

बिहीबार राजपा अध्यक्ष मण्डलका सदस्य राजेन्द्र महतोले कैलाली कारागारमै पुगेर लक्ष्मण थारु, विर बहादुर चौधरी र विश्राम चौधरीलाई पार्टी प्रवेश गराएका हुन् ।

माओवादी पूर्वलडाकू लक्ष्मण थारुले फोरम लोकतान्त्रिकले समेत धोका दिएपछि राजपा प्रवेश गरेको बताए । ०६४ सालबाट राजेन्द्र महतोको सम्पर्कमा रहेको बताउँदै उनले राजपा पार्टीमा प्रवेश गरेको बताए । उनले यसबाट कुनै पनि समुदाय, खासगरी थारु, सशंकित हुन आवश्यक नभएको बताए ।

सोही अवसरमा टीकापुर घटनाका आरोपित कैदीहरुले टीकापुर घटनाको राज्यले सत्यतथ्य पत्ता लगाउन नसकेको बताए ।

टीकापुर घटनामा पक्राउ परेकाहरुसँग तत्कालिन फोरम लोकतान्त्रिकका अध्यक्ष विजय कुमार गच्छदारले टीकापुर घटना राजनैतिक कारणले भएको र पक्राउ परेकाहरु सबै निर्दाेष रहेको बताउँदै नआत्तिन भने पनि अन्तिममा धोका दिएकाले राजपा पार्टी प्रवेश गरेको उनीहरुले बताएका छन् ।

टीकापुर घटनाका नाममा सोझासाझा थारुलाई राज्यले फसाएको राजपाका नेता राजेन्द्र महतोले आरोप लगाए । टीकापुर घटनाका बन्दीहरुको रिहाइका लागि पहल भैरहेको समेत उनले बताए ।

महतोले थारुहरुले आफ्नो अधिकारका लागि थालेको आन्दोलनमा सहकार्य गर्ने थारुका अधिकारका लागि लड्ने पनि बताए ।

Facebook Comments

भारतीय सीमा सुरक्षा बलद्वारा खेत जोत्नमा रोक

0

-By Bishal

कञ्चनपुर, ३ कात्तिक । भारतसँग सीमा जोडिएको महाकाली नगरपालिका–८ सुन्दरनगरमा भारतीय सीमा सुरक्षा बल एसएसबीले खेत जोत्नमा रोक लगाएको छ ।

नगरपालिकाको सुन्दरनगरमा नेपाल–भारत सीमा स्तम्भ नं १६ को ७९६÷१ सवपिल्लर नजिक रहेको जग्गामा वीरबल गुरुङले भोगचलन गर्दै आएको जग्गामा भारतीय सुरक्षा बलले खनजोत गर्नमा रोक लगाएका हुन् ।

धान कटानपछि खेत जोत्न थालेपछि भारतीय सीमा सुरक्षा बल एसएसबीले रोक लगाएको गुरुङले बताउनुभयो । भारतीय सीमा सुरक्षा बलले खेत जोत्न रोक लगाएपछि खेत जोेत्न छाडेको गुरुङले बताए ।

उहाँका अनुसार सोमबार एसएसबीका जवान खेत जोत्न लागेको समयमा आएर भारतीय भूमि भएको भन्दै खेत जोत्नमा रोक लगाएका थिए । समयसमयमा भारतीय पक्षले उनले खेती लगाउने समयमा रोक लगाउँदै आएकोमा उनी चिन्तित भएका छन् । धान रोप्दा पनि भारतीय सुरक्षाकर्मीले उनलाई धान रोप्न रोकेपछि केही समय स्थानीय र सुरक्षाकर्मीबीच विवाद सिर्जना भएको थियो ।

धान रोप्न रोकेको विषयमा स्थानीय प्रतिकारमा उत्रेका थिए । विसं २०२३ देखि उक्त जग्गा गुरुङले भोगचलन गर्दै आएका हुन् । खेती लगाउने समयमा भारतीय पक्षबाट खेतमै आएर खेती नगर्न भन्न थालेपछि उनी चिन्तामा परेका छन् । रासस

Facebook Comments

​डोटीको बड्डीकेदारमा बस दुर्घटना ३ को मृत्यु २१ घाईते 

0


बड्डीकेदार गाउँपालीका वडा नम्बर २ खड्यौलीमा सुदुरपश्चिम यातायातको ना.३ ख. ५६४८ नम्बरको बस दुर्घटना हुदा ३ जनाको मृत्यु भएको छ । अत्तरकाडा देखि धनगढी गईरहेको बस सोही गाउपालिकाको वडा नम्बर २ स्थित खड्यौली भन्ने ठाउँमा दृघटना हुदा ३ जनाको मृत्यु भएको हो । मृत्युहुनेमा बड्डीकेदार गाउपालिका वडा नम्मर ४ मान्नाकापडीका वर्ष ४५ का जगदीस चन्द सोही वडाकी वर्ष ३५ की निमर्ला पुनमगर र सोही वडाकी वर्ष ३ की पुष्पा कुमारी जेठरा रहेका छन् ।  भने २१ जना घाईते रहेका छन् ।घाईते हुनेमा बोगटान गाउपालीका वडा नम्बर २ केदारअखडा, बड्डीकेदार गाउपालीका वडा नम्बर ४ मान्नाकापडी र सोही गाउपालिका वडा नम्बर ५ लानाकेदारेश्वरका रहेकाछन् । घाईतेहरुलाई अहिले कर्णाली यातायातको ना.४ ख. ६५५२ नम्बरको बसमा धनगढी रिफर गरेको बिपीनगर प्रहरी चौकीले जानकारी दिएको छ । गाडी सडक बाट १५० मिटर तल खसेको छ भने गाडी के कारणले दुर्घटना भयो भन्ने पत्ता लागेको छैन् ।

Facebook Comments
RelianceTrends CPV

ताजा समाचार

नेपाली कांग्रेसले प्रदेश र प्रतिनिधि सभा निर्वाचनका लागि सबै उम्मेदवारहरुको सूची सार्वजनिक

काठमाडौं । नेपाली कांग्रेसले प्रदेश र प्रतिनिधि सभा निर्वाचनका लागि सबै उम्मेदवारहरुको सूची सार्वजनिक गरेको छ । कांग्रेसले गोरखा र सिन्धुपाल्चोकका दुई स्थानमा डा. बाबुराम...

भाइटीकाको उत्तम साइत बिहान ११ बजेर ५१ मिनेटमा 

  आज तिहारको अन्तिम दिन भाइटीका, दाजुभाइ तथा दिदीबहिनीहरुले एकअर्कालाई टीका लगाइदिएर मनाउँदैछन् । भाइटीकाको उत्तम साइत बिहान ११ बजेर ५१ मिनेटमा रहेको पञ्चांग निर्णायक...

आफ्नो बिचार  पोखे धीरेन्द्र बहादुर चन्द ले

धिरेन्द्र बहादुर चन्द युवा प्राणीशास्त्री एम.एस्सी.कन्जरभेसन बायलोजी नेपाल क्षेत्रफलका हिसाबले सानो भएतापनि जैविक विविधतामा भने धनी देश मानिन्छ । विश्व समुदायमा नेपाललाई सगरमाथाको देश, बुद्धको...

​आयो वीर बहादुर खत्री को सिङ्गारु….

रबिन्द्र यादव                 प्रदेशी भुमिमा रहेर पनि आफ्नु कला सस्कृतिको जगेर्ना गर्नु पर्छ भन्ने महान बिचार र प्रतिभावान गीतकार तथा...

बैतडीबाट प्रतिनिधि सभाको लागि एमालेबाट पूर्व अर्थ राज्यमन्त्री दामोदर भण्डारी लाई टिकट 

काठमाडौँ– बैतडीबाट प्रतिनिधि सभाको लागि एमालेबाट पूर्व अर्थ राज्यमन्त्री दामोदर भण्डारीले टिकट पाएका छन् । पहिलो चरण अन्तर्गत ३२ जिल्लामा आगामी मंसिर १० गते हुने...